Rerasan kang kaserat ing buku iki dudu prakara nyenyambi kalaning nganggur, ananging rerasan prakara-prakara kang wigati. Dudu prakara kang ngaya-wara, ananging prakara kang nyata. Saka prakara kang cilik sing ketoke seplee, nganti prakara gedhe urusan negara. Kabeh mau mujudake prakara-prakara kang bisa didadekake pratandha manawa jamane lagi ana owah-owahan. Mula banjur didadekake irah-irahaning buku iki Rerasan Owah Gingsiring Jaman. (G. Budi Subanar)